Millət vəkili Sahib Alıyev göyərçinləri yemləyənlərin cərimələnməsini təklif edib.
“Qafqazinfo” xəbər verir ki, deputat bu barədə Milli Məclisin bu gün keçirilən iclasında çıxış edib.
O bunu quşların infeksiya daşıması ilə əlaqələndirib. Həmkarı Qüdrət Həsənquliyev isə bu təklifə etiraz edib: “Mən və ailə üzvlərim həyətdə 15 pişik saxlayırıq, onlara yemək veririk və bir çoxunu peyvənd etdiririk. O quşlar acından ölsün? Heyvanların yemlənməsini qadağan etsək, onda cəmiyyətdə mərhəmət hissini aradan qaldırmış olarıq”.
Nuranə Daxilqızı
