"Google" Ukraynanın hərbi infrastruktur obyektlərini əks etdirən şəkilləri "Google Maps" xidmətindən silib. AFN.az yerli mediaya istinadən xəbər verir ki, bu barədə Ukrayna Milli Təhlükəsizlik və Müdafiə Şurasının dezinformasiyaya qarşı mübarizə mərkəzinin rəhbəri Andrey Kovalenko bildirib.Andrey Kovalenko bundan əvvəlki açıqlamasında Google-u ittiham edərək yenilənmədən sonra ortaya çıxan xəritələrdə Ukrayna Silahlı Qüvvələrinin hərbi sistemlərinin yeri açıqlandığını demişdi. Eyni zamanda, o, bildirib ki, şirkət nümayəndələri bu vəziyyətin açıqlanmasından sonra Ukrayna hakimiyyəti ilə müzakirə etməyə başlayıblar.Kovalenko Telegram kanalında yazıb: "Google xəritələrlə bağlı vəziyyəti düzəldib. Artıq hərbi qurğular və sistemlər xəritədə göstərilmir".
