McGill Universitetindən Ajitha Thanabalasuriar və komandası tərəfindən aparılan araşdırmada meyvə ətirli elektron siqaretlərin ağciyərlərin təbii müdafiə mexanizmlərinə mənfi təsir göstərdiyi müəyyən edilib.
News24.az xəbər verir ki, araşdırmalara görə, bu ətirli məhsulların tərkibində olan kimyəvi komponentlər ağciyər hüceyrələrinin müdafiə yollarını bağlayır və orqanizmin zərərli mikroblara qarşı qoruyucu qabiliyyətini azaldır.
Siçanlar üzərində aparılan təcrübələrdə böyürtkən dadlı elektron siqaret buxarlarının alveolyar makrofaqları, ağciyər immun hüceyrələrini iflic etdiyi müşahidə edilib. Bu hüceyrələr bakteriyalara qarşı qorunma təmin etməkdə mühüm rol oynayır. Bununla belə, bu makrofaqların funksionallığının pozulması siçanlarda sağ qalma nisbətlərinin azalması ilə nəticələnib.
Tədqiqat meyvə ətirli elektron siqaretlərin sağlamlıq üçün potensial təhlükələri haqqında mühüm xəbərdarlıqlar verib. Tədqiqatçılar belə məhsulların gənclər arasında daha da yayılmasının qarşısının alınması vacibliyini vurğulayıblar.
Məryəm İlhamqızı
