İnsanlar bəzən çox yorğun olduqları zaman günü hansı saatı olmasının fərqi olmadan yuxuya dalırlar. Bəzən qısa yuxuya getmək insan üçün çox xeyirlidir.
Yuxu ehtiyacı ilk növbədə iki fizioloji proseslə müəyyən edilir.
Genetik faktorlara görə bəzi insanlar kifayət qədər gecə yuxusu alsalar belə, yatmağa meyllidirlər. Digərləri yalnız həddindən artıq yuxusuz olduqları zaman yuxuya gedə bilərlər.
Bununla belə, 30 dəqiqədən çox yuxu zamanı dərin yuxuya getmək mümkündür. Bu da oyandıqdan sonra başgicəllənmə və ya yuxuya səbəb ola bilər.
Qısa bir yuxunun isə sağlamlığa bir çox faydası var. Məsələn, gün ərzində kifayət qədər yuxu almaq stress səviyyəsini aşağı sala və ürək sağlamlığına müsbət təsir göstərə bilər.
Qısa bir yuxu yalnız sizə enerji vermir.. O, həmçinin yaddaşı gücləndirir, yaradıcılığı artırır və ümumi sağlamlığı dəstəkləyir. Günün ortasında yatmağın faydaları haqqında bilməli olduğunuz şey budur!
Günün ortasında yatmağın koqnitiv faydaları getdikcə daha çox elmi dəstək tapır.
Yaddaşı yaxşılaşdıran, diqqəti artıran və əhval-ruhiyyəni tarazlayan bu qısa yuxular beyin sağlamlığını dəstəkləməkdə mühüm rol oynayır.
Qısa yuxular, xüsusən də 20-30 dəqiqədən çox olmayanlar, yuxusuzluq əlamətlərini aradan qaldırarkən uzun müddətli ruh sağlamlığını qoruma potensialına malikdir.
Gün ərzində 20 dəqiqə mürgüləmək stress səviyyəsini aşağı salmağa və ürək sağlamlığına faydalıdır.
Bununla belə, uzun yuxular piylənmə və metabolik problemlər ilə əlaqələndirilir.
Beyin qısa yuxu zamanı gün ərzində əldə etdiyi məlumatları emal edərək yeni ideyaların yaranması prosesini sürətləndirə bilər. Bəzi şirkətlər hətta işçilərinin yaradıcılığını artırmaq üçün ofislərdə qısa müddət yatmaq üçün otaqlar da yaradıblar.
Qısa yuxunun sağlamlıq üçün bir çox faydası olsa da, 30 dəqiqədən çox davam edən mürgüləmə yaşlı insanlarda ürək xəstəliyi riskini artıra bilər.
Tədqiqatlar göstərir ki, xüsusilə 60 yaşdan yuxarı şəxslərdə uzun müddətli yuxular yüksək qan təzyiqi və qan şəkəri balanssızlığı kimi metabolik problemlərə səbəb olur.
Digər vacib məqam isə gecə yuxusunu pozmamaq üçün günün ilk saatlarında yuxunu təşkil etməkdir. Axşam saatlarına yaxın mürgüləmək sizi gecə yatmaqdan məhrum edə bilər.
Musavat.com
