Cəbrayılda “Zəfər Günü”nə həsr olunmuş tədbir keçirilib

Tədbirdə məktəbin müəllim və şagird heyəti, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin (AZQMƏVŞAİB) Cəbrayıl rayon filialının sədri Səbuhi Hüseynov və filialın üzvləri də iştirak ediblər.

Tədbirdə Vətən uğrunda canlarını fəda edən şəhidlərimizin əziz xatirəsi yad edilib, Azərbaycanın ərazi bütövlüyü uğrunda göstərdikləri misilsiz qəhrəmanlıqlardan bəhs olunub. Məktəblilər və müəllimlər, həmçinin iştirakçılar tərəfindən vətənpərvərlik ruhunda çıxışlar və ədəbi-bədii kompozisiyalar təqdim edilib.

Tədbirin sonunda məktəbin direktoru Mətanət Bayramova tərəfindən “Zəfər Günü”nə həsr olunmuş tədbirin təşkilində və keçirilməsində əməyi keçən hər kəsə “Təşəkkürnamə”lər təqdim edilib. Bu jest, tədbirin təşkilində iştirak edənlərin səylərini və Vətənə olan sevgilərini təqdir etmək məqsədi daşıyıb.

“Şəhidlər Vətənin, xalqın qürurudur” şüarı altında keçirilən bu tədbir Azərbaycan xalqının qəlbində əbədi yaşayan şəhidlərimizin əziz xatirəsinə həsr olunmuş səmimi və vətənpərvər bir an kimi yadda qaldı.

Allah bütün şəhidlərimizə rəhmət eləsin.