Hikmət Babaoğlu: "Zəfər bayramı Azərbaycan xalqının ümummilli bayramıdır"
Milli Məclisin deputatı Hikmət Babaoğlu Zəfər bayramının Azərbaycan xalqı üçün ümummilli bir bayram olduğunu vurğulayıb. Onun sözlərinə görə, bu bayram hər bir azərbaycanlının ruhunun bayramıdır, qalibiyyət, həmrəylik və böyüklərimizin bəxş etdiyi ədalətin təntənəsi günüdür.
"Bu bayram, eləcə də bu gün, nə qədər əhəmiyyətlidir? Zəfər bayramında əldə etdiyimiz nailiyyətlər 44 günlük müharibədə qazandığımız tarixi qələbədir. Bu qələbə Azərbaycan dövlətçiliyinin gələcək nəsillər üçün yeni inkişaf perspektivləri yaratmasına zəmin hazırladı," - deyə o bildirib.
Hikmət Babaoğlu qeyd edib ki, bu nailiyyət Azərbaycanın qlobal səviyyədəki rolunu daha da möhkəmləndirərək, ölkəmizi beynəlxalq münasibətlər sistemində nüfuzlu bir aktora çevirdi. Əsas olaraq, 44 günlük müharibədən sonra əldə edilən yeni reallıqlar xalq və millət qarşısında yeni vəzifələr müəyyənləşdirdi.
"Bu vəzifələr 1828-ci ildən bəri, hətta 1850-ci ildən bu yana davam edən xəyanətlərin, təzyiqlərin, bölünmələrin aradan qaldırılması ilə bağlıdır. Əminəm ki, Azərbaycan xalqı bu yeni qələbə və milli özünüdərk düşüncəsi ilə tarixin bizə etdiyi haqsızlıqların öhdəsindən gələcək," - deyə Hikmət Babaoğlu əlavə edib.
"Zəfər bayramımız bu qədər əhəmiyyətlidir – həm dünənimiz, həm bu günümüz, həm də gələcəyimiz baxımından," - deyə o vurğulayıb.
News365.az
Könül Abdullayeva
