Britaniyalı riyaziyyatçı Alan Turinqin portreti insanabənzər robot tərəfindən hazırlanmış ilk sənət əsəri kimi Nyu-Yorkda keçirilən hərracda 1,32 milyon ABŞ dollarına satılıb.A.I. God. Portrait of Alan Turing adlı 2,2 metr hündürlüyündə olan portret dünyanın ilk ultra-real robot rəssamı Ai-Da tərəfindən hazırlanıb.Əsər "Sotheby's" hərrac evində 120-180 min ABŞ dolları arasında ilkin hesablamalardan xeyli yüksək qiymətə satılıb.Hərrac evindən verilən məlumata görə, portret üçün 27 təklif edilib.Qeyd edək ki, Ai-Da proqramçılar, robotistlər, rəssamlar və psixoloqlardan ibarət bir qrup tərəfindən iki il ərzində hazırlanıb və AI texnologiyası irəlilədikcə yenilənməyə davam edir.Bildirək ki, portretdə nümayiş olunan Alan Turing nasist Almaniyasına qarşı müharibədə əsas rol oynayan və 1950-ci illərdə süni intellektin istifadəsini şübhə altına alan riyaziyyatçı və erkən dönəm kompüter alimi idi.
Mənbə: The Guardian
