''Qalatasaray'' Avropa Liqasında ''Tottenhem''i məğlub edərək önəmli bir zəfər əldə etsə də, ağır zədə xəbəri ilə sarsılıb.
Mauro İkardi həmin qarşılaşmanın son anlarında zədə alaraq əvəzlənmiş və meydanı xərəkdə tərk etmişdi. Argentinalı forvardın tibbi müayinəsinin cavabı isə camiədə şok effekti verib.
Belə ki, onun diz bağları qopub və meniskində ciddi zədə aşkarlanıb. İkardi tezliklə əməliyyat olunacaq. Böyük ehtimalla bu mövsüm o bir daha komandasına yardım edə bilməyəcək. Həm ''Qalatasaray'', həm də Viktor Osimhen İkardiyə dəstək paylaşımı edərək ''əvvəlkindən daha güclü dönəcəksən'' yazıblar.
Son iki ildə qazanılan çempionluqda böyük rol oynayan İkardi cari mövsüm 14 rəsmi oyunda aktivinə 6 qol, 2 məhsuldar ötürmə yazmışdı. Onun klub tarixinin ən çox qol vuran əcnəbi futbolçusu olan George Hacini yaxalamağına cəmi 11 qol qalmışdı. İkardinin ''sarı-qırmızılar''da 2026-ya qədər müqaviləsi var.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
