Bakıda Zəfər Günü sorğusu - VİDEO
8 noyabr – Zəfər Günü, 2020-ci ilin Vətən Müharibəsində əldə edilən qələbə münasibətilə qeyd edilir. Bu gün, Azərbaycan ordusunun Qarabağ və Şərqi Zəngəzuru işğaldan azad etməsi, ərazi bütövlüyünün bərpa edilməsi simvoludur. Hər il təntənəli şəkildə qeyd edilən Zəfər Günü, şəhidlərin xatirəsinin anılması və xalqın birliyinin nümayişi ilə yadda qalır. Manset.az xəbər verir ki, Sorğu TV Zəfər Günü ilə bağlı yeni açılan Zəfər Parkında paytaxt sakinlərinin fikirlərini soruşub. Bu münasibətlə Bakı şəhərində keçirilən sorğuda, əhali Zəfər Gününü böyük qürur və fəxarətlə qeyd etdiklərini bildirib. Sorğu iştirakçıları, 44 günlük Vətən Müharibəsinin qalibiyyətini və ərazi bütövlüyünün bərpasını Azərbaycanın tarixi uğuru kimi dəyərləndiriblər. Eyni zamanda, zəfər günü ilə bağlı dövlətin təşkil etdiyi tədbirlərin əhəmiyyətini vurğulayıb, müharibədə şəhid olanların xatirəsinin daim yad edilməsi lazım olduğunu qeyd ediblər. Həmin görüntüləri təqdim edirik:
