Qəhvə səhər istehlak edildikdə bədəni oyandırmaq funksiyasını yerinə yetirir. Bunun səbəbi gecə yatarkən qan təzyiqinin aşağı düşməsidir və qəhvənin tərkibindəki kofein mərkəzi sinir sistemini stimullaşdırır. Bir fincan qəhvənin tərkibində 100 milliqram kofein var ki, bu da qan təzyiqini artırır, tənəffüs sürətini sürətləndirir və özünüzü daha ayıq hiss edirsiniz. Ancaq həddindən artıq istehlak edildikdə, qəhvə əks təsir göstərə bilər və özünüzü daha yorğun hiss edə bilərsiniz.
News24.az xəbər verir ki, bir çox insan səhərlər qəhvə içməyə üstünlük versə də, elm adamları almanın enerji verməkdə daha təsirli olduğunu iddia ediblər.
Kornell Universitetinin araşdırmasına görə, alma təbii olaraq yüksək miqdarda lif, şəkər, vitamin və antioksidant ehtiva edir. Bu maddələr bədəni qəhvədən daha çox enerji ilə təmin edir. Almada kofein yoxdur, lakin 13-19 qram arasında təbii şəkər var. Bu şəkər mədə tərəfindən tez həzm olunur və qan təzyiqini artıraraq beyni tez bir zamanda stimullaşdırır.
Buna görə də qəhvə yerinə alma yemək yuxunuzu yaxşılaşdırmaqda daha təsirli olacaq.
Məryəm İlhamqızı
