1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Robot it ABŞ-nin yeni seçilmiş Prezidenti Donald Trampın Florida ştatındakı Mar-a-Laqo iqamətgahı ətrafında patrul xidmətinə başlayıb.
Oxu.Az-ın xəbərinə görə, müvafiq görüntülərin əks olunduğu videonu NBC televiziya şirkətinin regional bölməsi yayımlayıb.
Məlumata görə, Trampın malikanəsində gücləndirilmiş təhlükəsizlik tədbirləri onun seçkidəki qələbəsindən sonra tətbiq edilib. Həmçinin sahil mühafizəsinin silahlanmış katerləri də xidmətə başlayıb.
Telekanal qeyd edib ki, ABŞ-də hüquq-mühafizə orqanları tərəfindən təhlükəsizliyin təminatı üzrə tapşırıqların yerinə yetirilməsində robot itlərdən getdikcə daha çox istifadə edilir.
Qeyd edək ki, CNN-in bildirdiyinə görə, ABŞ Məxfi Xidməti agentliyin təkcə Trampı deyil, onun ailə üzvlərini də müdafiə etməsinə başlayacağı prosesi sürətləndirməyi nəzərdən keçirir. Bu tədbirlər siyasətçinin həyatına iki sui-qəsd cəhdi fonunda onun təhlükəsizlik səviyyəsinin nəzərdən keçirilməsi ilə bağlıdır.
