Türkiyə prezidenti Rəcəb Tayyib Ərdoğan Macarıstandan Türkiyəyə qayıdarkən jurnalistlərlə görüşüb.
Publika.az-ın məlumatına görə, Ərdoğan Donald Trampın qalib gəldiyi Amerika prezident seçkilərinin nəticələri kontekstində ABŞ-Türkiyə münasibətlərindən danışıb.
“Türkiyə olaraq müttəfiqimiz Amerika Birləşmiş Ştatlarından gözləntilərimiz məlumdur. Xüsusilə, Fələstin problemi və Rusiya-Ukrayna böhranı, eləcə də bir sıra başqa sınaqlarla üzləşdik. Türkiyə-ABŞ əməkdaşlığı bunların öhdəsindən gələ bilər", - deyə Ərdoğan bildirib.
“Biz əvvəlki prezidentlik dövründə cənab Trampla birlikdə işləmişik. Hətta bəzən fikir ayrılıqları olsa belə, Türkiyə ilə ABŞ arasında tərəfdaşlıq modeli müzakirə olunmur”, - deyə Ərdoğan yekunlaşdırıb.
