"Ən yaxşı oyunlarımızdan birini nümayiş etdirdik" - Vaqif Cavadov

Misli premyer-liqasının 13-cü turunda “Sumqayıt” minimal hesabla “Araz-Naxçıvan”a məğlub oldu - 0:1.

“Football-plus.az” xəbər verir ki, “Sumqayıt”ın baş məşqçisi Vaqif Cavadov oyunsonrası mətbuat konfransında jurnalistlərin suallarını cavabladı.

- Yaxşı oyun oldu. Bu oyunda çoxlu qol imkanlarımız oldu. Komandama göstərdikləri oyuna görə təşəkkürr edirəm. Ən yaxşı oyunlarımızdan birini nümayiş etdirdik. Məncə, növbəti oyunlarda yaxşı nəticələr əldə edəcəyik. “Araz-Naxçıvan”ı təbrik edirəm. Yaxşı komandadı.

- İstədiyiniz nəticəni əldə etmək üçün nə çatmadı?
- Qol imkanlarını icra etmək çatmadı. Bəlkə də son dövrlərdə ən çox qol epizodlarına girdiyimiz oyun idi. Komanda istəkli idi və irəlidə qorxmurdu. Rəqib səhvimizə görə qol vurdu və nəticədə məğlub olduq.

- Oyun planında nədən narazı qaldız?
- Qol imkanlarımızdan istifadə edə bilmədik. Komandanın oyunundan və əzmkarlıq səviyyəsindən söhbət gedə bilməz.

ƏSƏD SEYİDOV

• Araz-Naxçıvan
• Premyer-Liqa
• Müqavilə
• Məğlubiyyət
• Sumqayıt
• Vaqif Cavadov
• Qol Imkanları