Ardıcıl dörd məğlubiyyətdən sonra “Mançester Siti”nin kataloniyalı baş məşqçisi Xosep Qvardiola rəhbərlik etdiyi komandanın üstünlüyünə son qoyulması ehtimalından danışıb.
"Operativ Media" bu haqda ESPN-ə istinadən xəbər verir.
“İnsanlar bizim hökmranlığı dayandırmağımızı istəyir. Bu, normaldır, çünki biz çoxlu nailiyyətlər əldə etdik. Yeddi ildə altı Premyer Liqa titulundan sonra, bəlkə də bu il çempionluğa başqa komanda layiqdir. Amma biz hələ mübarizəni bitirməmişik. Belə uğursuz serialar da olur. "Liverpul" Kloppun rəhbərliyi altında Çempionlar Liqasını və Premyer Liqanı qazandı, lakin sonra Van Dayk zədələndi və onlar Avropa Liqasına çıxdılar".
Qvardiola məşqçilik karyerasında ilk dəfə ardıcıl 4 məğlubiyyət alıb.
Premyer Liqanın 11-ci turunda "Mançester Siti" səfərdə "Brayton"a 1:2 hesabı ilə uduzub.
Buna qədər İngiltərə Liqa Kubokunun 1/8 finalında Londonun “Tottenhem”inə 1:2 hesabı ilə məğlub olan “Mançester Siti” mübarizəni dayandırıb.
İngiltərə çempionatının 10-cu turunda səfərdə "Bornmut"a 1:2, Çempionlar Liqasının IV turunda isə Portuqaliya "Sportinq"inə 1:4 hesabı ilə uduzub. .
Qvardiola məşqçilik karyerası ərzində "Barselona" və "Bavariya"ya da rəhbərlik edib.
