Türkiyenin prezidenti Rəcəb Tayyib Ərdoğan Səudiyyə Ərəbistanına yola düşdü. O, paytaxt Ankara şəhərindəki Esenboğa Hava Limanından İslam Əməkdaşlıq Təşkilatı və Ərəb Liqasının fövqəladə birgə zirvə toplantısında iştirak etmək üçün Səudiyyə Ərəbistanının paytaxtı Ər-Riyada hərəkət edib.
Orta Şərqdə artan gərginliyin azaldılması məqsədilə Ərəb Liqasının birgə təşəbbüsü ilə keçirilən toplantıda iştirak edəcək prezidentin bir çox liderlə ikitərəfli görüşlər keçirməsi gözlənilir.
Rəcəb Tayyib Ərdoğan Səudiyyə Ərəbistanına səfərindən sonra Azərbaycan Respublikasına keçərək İqlim Zirvəsində iştirak edəcək.
