Azərbaycan millisinin noyabr oyunları üçün heyətində Misli Premyer Liqasında çıxış edən 18 futbolçu yer alıb.
İdman.biz bu oyunçuların mövsümün arxada qalan hissəsindəki göstəricilərini təqdim edir.
Təbii ki, baş məşqçi Fernandu Santuşun seçimində təkcə çempionat deyil, “Qarabağ”ın avrokubok matçları da rol oynayıb. Daim rotasiyalar olan Ağdam klubundakı milli üzvləri əsasən Avropa Liqasında oynadığı üçün Premyer Liqada o qədər də çox oynamayıb.
Santuşun seçdiyi 18 futbolçudan 6-sı çempionatın 13 turunun hamısında meydana çıxıb. Onlardan yalnız biri – Rza Cəfərov əvəzolunmaz olub.
Onun kimi daha üç futbolçunun çempionatdakı praktikası 1000 dəqiqədən çoxdur. Bunlar Səbuhi Abdullazadə, Amin Seydiyev və Ramil Şeydayevdir.
Yığma üzvlərindən çempionatda ən az oynayan Musa Qurbanlıdır. Bu da onun bir müddət zədəli olması ilə bağlıdır. Mustafa Əhmədzadə isə əsasən son turlarda komandasının əsas heyət üzvünə çevrilib.
Hazırki millidə Premyer Liqada ən çox qol vuran Toral Bayramovdur. Onun 4 topu var.
Ümumilikdə heyətdə “Qarabağ”dan 8, “Neftçi”dən 3, “Zirə” ilə “Sabah”ın hərəsindən 2, “Araz-Naxçıvan”, “Sumqayıt”la “Turan Tovuz”un hərəsindən bir futbolçu yer alıb.
Qeyd edək ki, millimiz noyabrın 16-da Estoniya, 19-da İsveçlə qarşılaşacaq.
| futbolçu | klub | O | D | Q | SV | QV |
| Rza Cəfərov | Neftçi | 13 | 1170 | -19 | 1 | - |
| Səbuhi Abdullazadə | Sumqayıt | 13 | 1124 | 1 | 1 | - |
| Amin Seydiyev | Sabah | 13 | 1079 | 1 | 2 | - |
| Ramil Şeydayev | Neftçi | 13 | 1068 | 3 | 1 | - |
| Aydın Bayramov | Zirə | 10 | 900 | -8 | - | - |
| Toral Bayramov | Qarabağ | 11 | 873 | 4 | - | - |
| Aleksey İsayev | Qarabağ | 11 | 843 | 1 | 1 | - |
| Xəyal Nəcəfov | Turan T. | 13 | 843 | 2 | 1 | - |
| Ceyhun Nuriyev | Zirə | 13 | 768 | 2 | 1 | - |
| Emin Mahmudov | Neftçi | 10 | 747 | - | 1 | - |
| Abbas Hüseynov | Qarabağ | 12 | 725 | 1 | - | - |
| Bədavi Hüseynov | Qarabağ | 8 | 715 | - | - | - |
| Nəriman Axundzadə | Qarabağ | 9 | 630 | 1 | 1 | - |
| Nicat Mehbalıyev | Sabah | 6 | 540 | -8 | - | - |
| Bəhlul Mustafazadə | Qarabağ | 6 | 475 | 1 | - | - |
| Elvin Cəfərquliyev | Qarabağ | 8 | 462 | 1 | - | 1 |
| Mustafa Əhmədzadə | Araz-N. | 6 | 351 | - | 1 | - |
| Musa Qurbanlı | Qarabağ | 5 | 162 | - | - | - |
Vüqar Xeyrullayev
İdman.biz
