İspaniya La Liqasında “Real Sosyedad”a qarşı 13-cü tur səfər oyunu (0:1) “Barselona” üçün xoşagəlməzliklə əlamətdar olub.
Arena.az “OptaJose” statistik dərgisinə istinadən məlumat verir ki, məğlubiyyətlə yanaşı, “blauqrana” rəqib qapısına – çərçivəyə bir zərbə belə, endirə bilməyib.
Müvafiq məqam isə Kataloniya klubunun 10 il əvvəlki statistik antirekordunun təkrarlanması deməkdir. 2014-cü ilin sentyabr ayında “baluqrana” İspaniya La Liqası çərçivəsində “Malaqa” ilə səfər oyununda (0:0) rəqib qapısına bir zərbə belə, vura bilməmişdi.
“Barselona” bu məğlubiyyətinə rəğmən, 13 turdan sonra 33 xalla La Liqaya başçılıq erməkdə davam edir. 18 xal toplamış “Real Sosyedad” isə La Liqanın yarış cədvəlində 9-cu pillədə qərarlaşıb.
