''Qızıl top''un yekunları ilə bağlı müzakirələr səngimir. Xatırladaq ki, oktyabrın 28-də keçirilən tədbirdə ''Mançester Siti'' və İspaniya yığmasının yarımmüdafiəçisi Rodri ilin ən yaxşı oyunçusu seçilmişdi.
O, ''Real'' və Braziliya yığmasının vingeri Vinisiusu üstələməyi bacarmışdı. Bu arada ''Frans Futbol'' nəşri səsvermənin detallarını açıqlayıb. Rodriqonun 1170, Vinisiusun 1129 xal topladığı məlum olub. İlk iki pillə arasında cəmi 41 xallıq fərq olub. Bu, son illərin ən cüzi fərqidi. Müqayisə üçün ötən ilin qalibi Lionel Messinin ən yaxın rəqibini 105 xal, ondan əvvəlki qalib Kərim Benzemanın ən yaxın rəqibini 356 bal qabaqladığını bildirək. Bundan başqa Vinisiusa heç ilk ''10-luq''da belə yer verməyən ölkələrin adları da məlum olub. Bunlar Finlandiya, Salvador və Namibiyadı.
Vinisius 2023/24-də ''Real'' ilə La Liqanı, Çempionlar Liqasını qazanmasına, mövsüm ərzində 39 rəsmi oyunda 24 qol 11 məhsuldar ilə fərqlənməsinə baxmayaraq bu ölkələrdən heç bir xal ala bilmədi.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
