Aleksandr Dümanın müəllifi olduğu “Qraf Monte Kristo” romanı əsasında çəkilmiş film adaptasiyanın nümayişi keçirilib.
Demək olar ki, əsərin süjet xəttinə fərqli dəyişikliklər edilməyib. Məkrli sui-qəsdin qurbanı olan gənc oğlan Edmond Dantes öz toy günü etmədiyi cinayətə görə həbs olunur. Nəhayət 14 illik həbsdən sonra o, İf qalasının zindanından qaçmağı bacarır. Dostu Abbat Fariyanın həbsxanada ona danışdığı sirli adada Edmond əfsanəvi bir xəzinə tapır və yeni həyata başlayıb Qraf Monte Kristoya çevrilir.
Noyabr ayının 12-də “Qraf Monte Kristo” adlı macəra filminin rəqəmsal buraxılışı baş tutub. Lakin bu film müqaviləyə görə baxış üçün ancaq “Okko” video servisinin xidmətində mövcud olacaq.
Tənqidçilər, həmçinin də tamaşaçılar filmi yüksək qiymətləndirdilər. Belə ki, bu yeni film “Rotten Tomatoes”-in təqdim etdiyi statistikaya görə kino tənqidçilərinin rəyi əsasında 100% reytinqlə irəli çıxıb. Hətta “IMDb”-də izləyicilər də bu maraqlı filmi 7,8 balla yüksək qiymətləndiriblər.
Oqtay Qorçu
