Bu ilin yanvar-sentyabr ayları üzrə hotellərinin gəlirləri ən çox artan və azalan rayonların və şəhərlərin adları məlum olub.
FED.az bu barədə Dövlət Statistika Komitəsinə istinadən xəbər verir.
Məlumata görə ölkə üzrə ümumilikdə hotellərin gəlirləri son bir ildə 98,7 milyon manat və ya 27% artıb.
Faiz ifadəsi ilə ən yüksək artım Daşkəsən (3,5 dəfə), Qazax (3,2 dəfə), Tərtər (2,6 dəfə), Mingəçevir rayonlarında (2,1 dəfə) olmaqla qeydə alınıb.
Şirvan hotellərinin gəlirləri 161,3 min manat və ya 99%, Qusar hotellərinin gəlirləri 15,8 milyon manat və ya 84%, Zərdab hotellərinin gəlirləri isə 2,8 min manat və ya 80% olub.
Faiz ifadəsilə gəlirlərdə ən kəskin geriləmə İmişli (3,8 dəfə), Göyçay (2,4 dəfə) və Lerik (2,1 dəfə) hotellərində qeydə alınıb.
