Mayk Tayson və Ceyk Paulun qarşılaşacağı tarixi boks matçı üçün geri sayım davam edərkən, nəhəng yarışın bilet qiymətləri fantastik qiymətə satışa çıxıb.
AZXEBER.COM xarici mətbuata istinadən xəbər verir ki, matça cəmi iki vip bilet olub və onların hər biri 2 milyon dollara satışa çıxarılıb.
Bu VIP biletlərin sahibləri də iki boksçu ilə görüşmək imkanı əldə edəcəklər. Bilete hər şey daxil bufet yeməyi və matçdan sonra rinqdə foto çəkdirmək imkanı da daxildir.
Beləliklə, boks tarixinin bir matça bilet gəliri rekordu 9 milyon dollarla yenilənmiş olub.
Texasda 80 min adam tutumlu stadionda keçiriləcək boks matçında ring kənarındakı oturacaqların qiyməti isə 10-50 min dollar arasında dəyişir.
Xatırladaq ki, bütün dövrlərin ən yaxşı boksçularından biri olan və peşəkar karyerası 2005-ci ildə başa çatan boks üzrə ağır çəkidə keçmiş dünya çempionu Mayk Tayson özündən 31 yaş kiçik \"YouTube\" ulduzu Ceyk Polla 80 milyon dollarlıq görüşlə rinqə qayıdacaq.
Mayk Tayson və Ceyk Pol arasında döyüş əvvəlcə iyulun 20-də baş tutmalı idi. Lakin Mayk Taysonun səhhətində yaranan problemlər səbəbindən boks görüşü noyabrın 15-nə təxirə salınıb. Döyüş 15-16 noyabr tarixləri arasında Türkiyədə baş tutacaq.
Aysel
