"Mançester Yunayted"in sabiq məşqçisi Rud van Nistelroy karyerasını başqa İngiltərə komandasında davam etdirə bilər.
Fanat.Az xəbər verir ki, bu barədə “The Sun” məlumat yayıb.
Mənbənin məlumatına görə, "Börnli" niderlandlı mütəxəssisi baş məşqçi postuna dəvət etməkdə maraqlıdır. Son 5 oyunda cəmi 1 qələbə qazanan, son uğursuz nəticələrə görə postu laxlayan Skott Parker istefaya göndəriləcəyi halda, Çempionşip klubu van Nistelroya təklif göndərəcək. "Börnli" hazırda Çempionşipin turnir cədvəlində 4-cü yerdə qərarlaşıb və Premyer Liqaya birbaşa vəsiqə verən yerlərdən 4 xal geri qalır.
Xatırladaq ki, Erik ten Haqın istefasından sonra “qırmızı şeytanlar”ı 4 oyuna çıxaran van Nistelroy 3 qalibiyyətə və 1 heç-heçəyə şahidlik edib. O, portuqaliyalı baş məşqçi Ruben Amorimin təyinatından sonra mankunian nəhəngindən ayrılıb.
Mirağa
