Dünya Bankı yaxın 10 il ərzində iqlim layihələrini maliyyələşdirmək üçün 150 milyard dollar ayırmağı planlaşdırır. Vətəninfo.az-ın “İnterfaks” agentliyinə istinadən verdiyi məlumata görə , bu barədə Dünya Davamlı İnkişaf Bankının vitse-prezidenti Yurgen Vogel bildirib.
“Dünya Bankı yaxın 10 il ərzində 150 milyard dollar məbləğində iqlim layihələrini maliyyələşdirməyi planlaşdırır. 2030-cu ilə qədər inkişaf etməkdə olan ölkələrin karbon qazı emissiyalarını azaltmaq və gələcək risklərə hazırlaşmaq üçün hər il 2,4 trilyon dollara ehtiyacı olacaq”, – Voegel Bakıda davam edən COP29 çərçivəsində “Qlobal Maliyyə Sistemi. İqlim üzrə fəaliyyətin maliyyələşdirilməsinin genişləndirilməsi” mövzusunda plenar müzakirə zamanı.
Onun sözlərinə görə, 2023-cü ildə Dünya Bankı inkişaf etməkdə olan ölkələrə 43 milyard dollar ayırıb.
Bununla yanaşı, bank borc öhdəliklərinin bölüşdürülməsi şərtləri çərçivəsində iqlim dəyişikliyi faktorları da daxil olmaqla yeni alətlər dəstini təqdim edib.
“Maliyyələşdirmə (iqlim riskləri fonunda) ilk növbədə fəlakətlərlə üzləşdikdə həqiqətən köməyə ehtiyacı olan kiçik ada dövlətlərinə gedir. Hazırda 14 ölkə ilə müqaviləmiz var. Bu ölkələr fəlakətlə üzləşsələr, borc ödənişlərini gecikdirə və ya azalda biləcəklər”, – Vogel bildirib.
Noyabrın 11-də Azərbaycanda BMT-nin İqlim Dəyişikliyi üzrə Çərçivə Konvensiyasının 29-cu konfransı olan COP29 öz işinə başlayıb. Noyabrın 22-dək davam edəcək.
