Ağdamda 8 Noyabr – Zəfər Gününə həsr olunan rayon turniri keçirilib. Rayonun orta məktəb şagirdlərindən ibarət komandalar voleybol üzrə yarışıb.
Futbolinfo.az xəbər verir ki, turnirdə 7 komandanın heyətində ümumilikdə 60 nəfərədək məktəbli iştirak edib. Keçirilən yarışın məqsədi şəhidlərin xatirəsini yad etmək, vətənpərvərlik ruhunu artırmaq olub.
Gərgin keçən yarışın sonunda ilk üçlükdə qərar tutan komandalar müəyyənləşib:
I yer – Ağdam rayon Mahrızlı kənd tam orta məktəbin komandası
II yer – Ağdam rayon Üçoğlan kənd tam orta məktəbin komandası
III yer – Ağdam rayon Xındırıstan kənd tam orta məktəbin komandası
Qalib komandalar Qarabağ Regional Gənclər və İdman İdarəsinin diplomları ilə təltif olunublar.
BƏHRUZ MUSAYEV
