Aİ-nin Xarici Əlaqələr və Təhlükəsizlik Xidmətinin rəhbəri Jozep Borrel Azərbaycan rəhbərinin COP29 konfransında Avropa ölkələrinə və şəxsən Borrelə qarşı səsləndirdiyi ittihamları rədd edib.
“Prezident Əliyevin Aİ, Fransa və Hollandiyaya qarşı ittihamları dərin təəssüf doğurur.
Bu cür qəbuledilməz bəyanatlar konfransın mühüm iqlim məqsədlərinə və Azərbaycanın COP29-da sədrliyinə inamı sarsıtmaq riski daşıyır.
Biz Fransa və Hollandiyanı dəstəkləyirik.
Aİ və onun ölkələri qlobal iqlim maliyyələşdirməsinə ən böyük töhfə verənlər və iqlim dəyişikliyi ilə mübarizədə dünya üzrə tərəfdaşları dəstəkləyirlər.
Biz həmçinin Azərbaycan hakimiyyətinin ölkədəki agır insan haqları vəziyyəti fonunda mediaya və QHT-lərə hücumlarını rədd edirik”.
Borrell bu barədə cümə axşamı X platformasındakı hesabında yazıb.
