ABŞ-ın yeni seçilmiş prezidenti Donald Trampın ABŞ müdafiə naziri vəzifəsinə namizədi Pit Heqset 9 il əvvəl təsadüfən zərb aləti ifaçısı Ceff Prosperi balta ilə vurub...
Poliqon xəbər verir ki, bu barədə Britaniyanın “Daily Express” tabloidi yazıb.
Nəşr ayazır ki, hadisə 2015-ci ildə “Fox and Friend”s şousunda balta atma yarışı zamanı baş verib. O zaman Fox News-un aparıcısı olan Heqset baltanı nəhəng hədəfin yanından atıb. Balta sapı musiqiçinin əlinə dəyib. “Daily Express” hadisə zamanı çəkilmiş videonun skrinşotlarını da dərc edib.
Üç il sonra cənab Prosperi aldığı xəsarətlərə görə telekanalı məhkəməyə verdi. Fox News nümayəndələri iddia edirlər ki, hadisədən dərhal sonra musiqiçiyə tibbi yardım və təzminat təklif etsələr də, o, “yaxşıdır” deyərək bundan imtina edib.
Noyabrın 13-də məlum olub ki, Donald Tramp ABŞ Milli Qvardiyasının veteranı olan, Əfqanıstan və İraqda xidmət etmiş Fox News telekanalının aparıcısı Pit Heqseti Pentaqonun rəhbəri vəzifəsinə təyin etməyi təklif edib.
Poliqon.info
