Fransanın paytaxtı Parisin ətrafı Sen-Denidə Fransa-İsrail futbol matçına etiraz olaraq nümayiş keçirilib.
Bakıvaxtı.az xarici mediaya istinadla xəbər verir ki, Fələstin tərəfdarları bu axşam yerli vaxtla saat 20.45-də başlayan Fransa-İsrail matçının keçiriləcəyi Parisin ətrafı Sen-Denidə toplaşıb.
Xalq Cəbhəsi Meydanında keçirilən nümayişdə fəallar əllərində Fələstin bayraqları və “Soyqırımı dayandırın”, “Biz soyqırımla oynamırıq” və “Qəzzada öldürülənlərin 70 faizi qadın və uşaqlardır” yazılı plakatlar qaldırıblar.
“Yaşasın Fələstin xalqının mübarizəsi”, “Parisdən Qəzzəyə müqavimət”, “Azad Fələstin” şüarları səsləndirən nümayişçilər İsrailin Qəzzaya hücumlarının davam etdiyi bir vaxtda Fransa rəsmilərinin Fransa-İsrail matçını oynamağa icazə vermələrinə reaksiya verib.
Əli Hüseynov
