“Arsenal”ın qapıçısı David Raya İngiltərə Premyer Liqasındakı sıx qrafiklə bağlı narazılığını bildirib.
Futbolpress.az xəbər verir ki, ispaniyalı qolkiper komanda yoldaşı Ben Uaytın dizindən əməliyyat keçirərək, mövsümü erkən bitirməsini, zədələrin həyəcan verici nisbətiylə əsas gətirərək, Premyer Liqanın çətin cədvəli ilə bağlı narahatlıqlarını dilə gətirib. Uaytın 2025-ci ilə qədər kənarda qalması, kapitan Martin Odeqardın iki aylıq yoxluğu, müdafiə itkiləri Rikkardo Kalafiori və Takehiro Tomiyasunun da zədə səbəbindən oyunları buraxmalı olması, “Arsenal”ın mövcud zədə problemlərini daha da çətinləşdirir. Raya düşüncələrini belə ifadə edib: “Təqvim çox sıxdır. Bu, yaralanma riskini artırır. Biz robot deyilik, xəsarətlər həyatı dəyişir”.
Həmçinin o, Peşəkar Futbolçular Assosiasiyasını (PFA) məsələyə müdaxilə etməyə çağırıb.
