Fransanın maliyyə cinayətləri üzrə prokurorları avtomobil şirkətinin keçmiş rəhbəri Karlos Qon və Fransanın mədəniyyət naziri Raşida Datinin korrupsiya istintaqı ilə bağlı məhkəmə qarşısına çıxarılmasını tələb ediblər.
Publika.az xəbər verir ki, bu barədə məlumatı “Reuters” məhkəmədəki mənbəyə istinadən yayıb.
Hakim bu tələblə bağlı qərar verməlidir. Müstəntiqlər Fransanın mədəniyyət nazirinin vaxtilə “Renault-Nissan” avtomobil alyansından aldığı məsləhət haqqını araşdırırdılar. Alyans onu Avropa Parlamentinə namizəd olmaq üçün ədliyyə naziri vəzifəsindən istefa verdikdən sonra məsləhətçi kimi işə götürüb.
Dati bu müddət ərzində aldığı ödənişlərdə qanun pozuntusunu rədd edir. O, cümlədən Yaponiyada axtarışda olduğu üçün Livana şəxsi təyyarədə olan bir qutunun içində qaçan Qon da ona qarşı ittihamları rədd edib.
Fransa, Livan və Braziliya vətəndaşlığına sahib olan Qon 2019-cu ildən bəri Yaponiya tərəfindən axtarışdadır və ona görə də, Livanı tərk etməyib.
Mədəniyyət Nazirliyinin nümayəndələri şərh sorğusuna cavab verməyiblər. “Renault” nümayəndələri də şərh verməkdən imtina ediblər.
