Ermənistanın konstitusiya quruluşunu devirməyə cəhdlə bağlı cinayət işi üzrə təqsirləndirilən şəxslər, Ermənistan-Azərbaycan münaqişəsinin qızışdırıcılarından biri və keçmiş prezident, 1992-ci ildə Xocalıda azərbaycanlılara qarşı törədilən qırğınların təşkilatçılarından biri, keçmiş nazir Robert Köçəryan, keçmiş müdafiə naziri Seyran Ohanyan, eləcə də Ermənistan Baş Qərargahının keçmiş rəisi Yuri Xaçaturov növbəti məhkəmə iclasına məcburi gətiriləcək.
Bu qərarı bu gün müttəhimlərdən yalnız birinin – keçmiş baş nazirin müavini Armen Gevorqyanın iştirak etdiyi iclasdan sonra hakim Sarkis Petrosyan verib.
Köçəryanın, Ohanyanın və Xaçaturovun vəkilləri izah ediblər ki, təqsirləndirilən şəxslərin formal olaraq “təqsirləndirilən şəxs” statusu yoxdur – bu, sənədlərdə qeyd olunmayıb, əvvəlki görüşlərdə də məlumatlar qeydə alınmayıb. Hakim izah edib ki, onlara iclasın vaxtı və saatı barədə əvvəlcədən məlumat verilib, lakin onlar buna məhəl qoymayıblar. Beləliklə, Petrosyan vurğulayıb ki, Köçəryan, Ohanyan və Xaçaturov məhkəməyə hörmətsizlik nümayiş etdiriblər. “Məhkəmə qərarın icrasını Ermənistan polis rəisinə həvalə edərək, Robert Köçəryanın, Yuri Xaçaturovun və Seyran Ohanyanın məhkəmə zalına məcburi gətirilməsini təmin etmək qərarına gəlib”, – hakim bildirib. Yeni iclas iki həftə sonraya – noyabrın 28-nə planlaşdırılıb.
//Samir Qurbanov, Editor.az
