Mənfi düşüncəni iyirmi birinci əsrin əsl bəlası adlandırmaq olar. Lent.az psixoloqların mənfiliklərin öhdəsindən gəlməyə kömək edəcək 3 effektiv texnikasını təqdim edir:
Düşüncəni dayandırma texnikası
"Nirvana" sözünün mənası haqqında heç düşünmüsünüzmü? Bir çox insan bunun ən yüksək xoşbəxtlik mərhələsi olduğuna inanır. Tibet yogilərində bu vəziyyətin dəqiq tərifi var: düşüncələrin tam olmaması.
Beynimizdə daim gəzən bir çox fikir var və onları düşünməyi dayandırmaq çox çətin ola bilər. Lakin bunun qarşısını alacaq bir üsul var. Nəfəsinizi tutun və 1-3 saniyə başınızı “boş” (fikirsiz) saxlamağa çalışın. Buna cəhd etdikdən sonra neqativ düşüncələrin sizi tərk etdiyini hiss edəcəksiniz.
Sevdiyiniz musiqini dinləmək
İnsan beyni eyni anda yalnız bir zehni tapşırığın öhdəsindən gələ bilər, buna görə də mənfi düşüncələrə qapıldığınızı hiss edirsinizsə, sevdiyiniz trekləri dinləməyə başlayın.
Diqqətinizi musiqi və mətnin qavrayışına yönəldəcəyiniz üçün artıq fikriniz yayınmayacaq.
Düşüncələri təxirə salma texnikası
Mənfi fikir sizi təqib etdiyi zaman özünüz üçün onu düşünmək üçün vaxt təyin edin. Sonra hər hansı bir fəaliyyətə keçin, məsələn, təmizlik. Əgər evdə deyilsinizsə, qırmızı avtomobilləri və ya qara paltar geyən insanları saymağa çalışın və bu texnikanın işə yaradığını müşahidə edəcəksiniz.
