Türkiyənin "Qalatasaray" klubunun futbolçusu Viktor Osimhen performansı ilə diqqət çəkməyə davam edir.
"Cebheinfo.az" xəbər verir ki, dünya ulduzu son 1 həftədə tam 5 qol vurmağı bacarıb.
25 yaşlı hücumçu 1 həftə ərzində 3 rəsmi matçda meydana çıxıb.
O, 7 noyabrda baş tutan "Qalatasaray" - "Tottenhem" matçında 2 qol vuraraq komandasının 3-2 hesabı ilə qalib gəlməsində əsas rolu oynayıb.
Bu oyundan üç gün sonra isə "Cim-Bom" "Samsunspor"la qarşılaşıb. Həmin matça da damğa vuran nigeriyalı ulduz komandasının 3-2 hesabı ilə qalib gəldiyi oyunda 2 qol vurmağı bacarıb.
Osimhen 14 noyabrda isə Benin - Nigeriya matçında forma geyinib.
O, bu matçda da qol vuraraq ölkəsinə 1 xal qazandırıb.
Beləliklə, Viktor Osimhen 7-14 noyabr tarixlərində meydana çıxdığı 3 matçda 5 qol vurmağa nail olub.
