Bayden administrasiyasının İsrailin Qəzza zolağında müharibəsini və Livana hücumlarını dəstəkləməsinə etiraz etmək üçün Donald Trampın namizədliyini dəstəkləyən ABŞ müsəlman liderləri seçki qalibinin administrasiyasına fərdi təyinatlardan məyus olublar.
Müsəlmanların Trampa dəstəyi ona Miçiqan ştatını qazanmağa kömək edib və digər yelləncək ştatlarında qələbəsinə təsir edib.
Trampın qələbəsi üçün təbliğat aparan müsəlmanların lideri, Filadelfiyanın tanınmış iş adamı Rabiul Çaudhuri qeyd edib ki, Pensilvaniyada Respublikaçı namizəd “bizim sayımıza qalib gəldi və biz onun dövlət katibi və digər namizədlər seçimindən narazıyıq."
Amerika Müsəlmanları İşlətmə və Gücləndirmə Şəbəkəsinin (AMEEN) icraçı direktoru Rexinaldo Nazarko isə mətbuata açıqlamasında qeyd edib ki, müsəlman seçicilər Trampın sülh üçün çalışacaq məmurları seçəcəyinə ümid edirdilər, lakin bu baş vermədi.
"Biz Trampın kadr seçimindən çox məyus olduq. Deyəsən, bu administrasiya tamamilə neo-mühafizəkarlar və son dərəcə İsrail və müharibə tərəfdarları ilə doludur",- deyə o bəyan edib
Nazarko bildirib ki, icma öz səsinin eşidilməsi və Qəzzada müharibənin sona çatması üçün mübarizə aparmaqda davam edəcək.
"Harrisdən imtina" kampaniyasının həmtəsisçisi, Minnesota Universitetinin keçmiş professoru Hassan Abdel Salam, Trampın kadr planlarının ona səs verən müsəlman əhali arasında narazılıqla qarşılandığını qeyd edib. O deyib ki, Tramp indidən özünü sionist tərəfdari kimi aparır və islam düşməni kadrları yüksək vəzifələrə təyin edir
ABŞ müsəlmanları ümid edirdilər ki, özünü dəfələrlə müsəlman və ərəb tərəfdarı göstərən Trampın keçmiş milli kəşfiyyat direktoru Riçard Qrenell müharibənin sona çatmasında əsas rol oynayacaq. O, seçki kampaniyası zamanı müsəlmanlara söz vermişdi ki, Trampa səsə verəcəkləri təqdirdə dövlət katibi vəzifəsinə təyin ediləcək və Qəzzada müharibənin sona çatmasına nail olacaq. Gözləntilərin əksinə olaraq bu baş verməyib və artıq aydındır ki, Riçard Qrenel çox da yüksək vəzifəyə təyin edilməyəcək.
Trampın digər əsas müttəfiqi, Tiffani və Masad Boulos ərəb-Amerika və müsəlman liderləri ilə dəfələrlə görüşüb.
Boulos və Tiffani ərəb-amerikalı və müsəlman seçicilərə söz verdilər ki, Respublikaçı Yaxın Şərqdə və onun hüdudlarından kənarda müharibələrə son qoymaq üçün çalışacaq. Boulos və Tiffaniyə inanan ABŞ müsəlmanları artıq aldandıqlarını başa düşüblər və Trampa səs verdiklərinə görə peşman olduqlarını gizlətmirlər.
Əziz Mustafa
