Bir qrup azərbaycanlı tələbə Moskva universitetlərinin birində rusofob şüarlar səsləndirib.
“Cebheinfo.az” xəbər verir ki, belə iddia olunan görüntülər sosial şəbəkələrdə yayılıb.
Sosial şəbəkələrdə və KİV-də əllərində Azərbaycan bayraqları olan bir qrup şəxsin Moskva Maliyyə-Hüquq Universitetində belə şüarlar səsləndirməsi barədə məlumatlar yayılıb. Eyni zamanda, universitetin mətbuat xidməti aksiyanın təhsil müəssisəsindən kənarda baş verdiyini, lakin rəhbərlik tərəfindən daxili araşdırmaya başladığı və hüquq-mühafizə orqanlarının əməkdaşları ilə əməkdaşlıq edildiyini bildirib.
“Baş verənlərin bütün hallarını aydınlaşdırmaq üçün Rusiya İstintaq Komitəsinin Moskva şəhəri üzrə Baş İstintaq İdarəsinin istintaq orqanları Cinayət Məcəlləsinin 205.2-ci maddəsi ilə cinayət işi açıb”,-deyə məlumatda deyilir.
“Rossiyskaya qazeta” yazır ki, görüntülərdə xarici bayraqlı bir qrup gənc rusofob şüarlar səsləndirir. Videonun Moskvanın aparıcı universitetlərindən birinin pilləkənlərdə lentə alındığı iddiası var.
