"Mançester Siti" Erlinq Halandla yeni müqavilənin danışıqlarına start verib.
İdman.biz xəbər verir ki, Norveç yığmasının hücumçusuna həftəlik 500 min funt maaş təklif ediləcək.
Bununla da Haland İngiltərə Premyer Liqasının ən çox qazanan futbolçusu ola bilər. 24 yaşlı forvardla 2 illik müqavilə bağlanması gözlənilir. Əgər razılaşma baş tutarsa Erlinq maaş cədvəlində komanda yoldaşı Kevin De Bruyne arxada qoyacaq.
Qeyd edək ki, belçikalı futbolçu həftəlik 400 min qazanır.
İdman.biz
