O 2000-ci illərdə əvvəlcə ''Real Sosyedad''da, sonra da ''Vilyarreal''da önəmli qollar vurmuşdu. ''Beşiktaş''ın yetirməsi olan və karyerasını da bu klubda tamamlayan Kahveci 75 qolla La Liqa tarixinin ən məhsuldar türkiyəli futbolçusu statusundadı. Hazırda şərhçi kimi fəaliyyət göstərən 45 yaşlı Nihat Arda Gülərin ''Real''dakı durumu ilə bağlı İspaniyanın ''As'' nəşrinə açıqlamalar verib. Arda məlum olduğu kimi Madrid nəhəngində heç cür əsas heyət üzvünə çevrilə bilmir və bu mövsüm hələ də qol hesabını açmayıb. Nihatı dinləyək:
''Ardanın mükəmməl istedadını göstərə bilmək fürsəti əldə etməsi üçün dua edirəm. Çox yüksək səviyyəli futbolçudu və meydanda lider olmağı sevir. Amma inkişaf etməsi üçün mütləq oynamalıdı. Bu qədər uzun müddət ehtiyatda qalması onun üçün heç də yaxşı hal deyil. Ançelotti ona daimi şans versə, Arda futbolçu kimi yeni səviyyəyə qalxa biləcək. Buna əminəm. Sadəcə ona özünü göstərməsi üçün fürsət verilməlidi. Fürsət yaradılsa, Arda indiyə qədər göstərdiyi performansdan çox daha artığını göstərər. Çünki onun özəlliklərindən biri yerində durmaması və hər zaman inkişafa meyl etməsidi. ''Real''da uğur qazanmağın asan olmadığını hər birimiz bilirik. Çünki futbolçulardan tələblər maksimum səviyyədədi və hər zaman da komanda qalib gəlmək məcburiyyətindədi. Amma Ardaya güvənmək lazımdı. O da buna meydanda qarşılıq verəcək. Gələcəkdə ''Real''ın liderlərindən birinə çevrilə bilər. Çünki güclü xarakterə malikdi və heç nədən də qorxmur. Ətrafı super ulduzlarla dolu olsa da, Arda daha çox varlıq göstərməlidi. O sanki nadir bir tapıntıdı və böyüməlidi. Biz türklər üçün də qürur mənbəyidi. ''Real'' onu istəmirsə başqa kluba, məsələn ''Real Sosyedad''a icarəyə versin. Əminəm ki, Arda San-Sebastyan publikasını öz oyunu ilə xoşbəxt edər''.
ƏLİ
