Kişi iki ildir ayrıldığı arvadı ilə barışmaq üçün Çinin cənub-qərbinə velospedlə 100 gündə təxminən 4400 kilometr yol qət edib.
SeherXeber.org Lent.az-a istinadən xəbər verir ki, 40 yaşı ərəfəsində olan və əslən Çinin şərqindəki Tsyansu əyalətindəki Lyanyunqanqdan olan Çjou həyat yoldaşı Li ilə Şanxayda tanış olub və onlar 2007-ci ildə evləniblər. 2013-cü ildə cütlük ayrılsa da, tezliklə barışaraq yenidən evləniblər. Sonradan onların bir oğlu və bir qızı olub. Lakin zaman keçdikcə münasibətləri yenidən korlanıb və münaqişələri səbəbindən boşanıblar.
"Aramızda heç bir ciddi problem yox idi, sadəcə olaraq ikimiz də çox inadkar idik və impulsiv davrandıq, bu da bir neçə dəfə ayrılma və barışığa səbəb oldu", - kişi deyib.
Çjou, fikir ayrılıqlarına baxmayaraq, əlaqə saxlamağa davam etdiklərini söyləyib. Görüşlərin birində o, Liyə münasibətlərini bərpa etməyi təklif edib və o, Lhasaya gedəcəyini söyləyib. O, zarafatla əlavə edib ki, əgər o, ora velosipedlə çata bilsə, barışmağı düşünə bilər. Ancaq ərinin bunu həyata keçirməyə qərar verəcəyini gözləməyib.
O, velosiped səyahətinə iyulun 28-də ölkənin cənub-şərqindəki Nankin şəhərində başlayıb və 100 gün ərzində 4400 kilometr qət edərək oktyabrın 28-də Lhasaya çatıb. Səfəri zamanı Çjou iki ciddi insidentlə qarşılaşıb.
Birincisi, Çinin şərqindəki Anhoy əyalətində baş verib, o, istidən əziyyət çəkib və xəstəxanada həkimə müraciət etmək məcburiyyətində qalıb.
İkinci, daha ciddi insident Çinin mərkəzi Hubey əyalətinin İçane şəhərində baş verib. Orada Çjou isti yolda velosiped sürərkən havanın temperaturu 40 dərəcəyə çatanda yıxılıb və suyu qurtarıb.
Li Zhoudan səyahəti dayandırmasını istəyib, lakin o, səfəri mütləq başa vuracağına qərar verib. Lhasa çatanda cütlük kiçik bir barışma mərasimi keçirib və yenidən birləşdiklərini rəsmən elan ediblər.
