ABŞ-ın yeni seçilmiş prezidenti Donald Tramp ölkənin Maliyyə nazirliyinin rəhbəri postu uğrunda onun komandası daxilində gedən mübarizədən narahatdlr...
Poliqon xəbər verir ki, bu barədə The New York Times qəzeti mənbələrə istinadən yazıb. Xatırladaq ki, bu vəzifəni hazırda Canet Yellen tutur.
Nəşr bu rola əsas iddiaçılar olaraq Trampa yaxın olan investor Skott Bessenti və keçid komandasının liderlərindən biri, “Cantor Fitscerald” şirkətinin baş direktoru Hovard Lutniki göstərib. Səhiyyə Nazirliyinin rəhbəri vəzifəsinə namizəd kiçik Robert Kennedi bir gün əvvəl sonuncunu dəstəklədiyini bildirib.
Noyabrın 16-da həm də Donald Trampın yaxın çevrəsinə daxil olan sahibkar İlon Mask namizədlərin seçilməsi prosesinə açıq şəkildə müdaxilə edib və X sosial şəbəkəsində Latniki dəstəkləyən yazı dərc edib. Bloomberg yazır ki, həmin gün Bessentin tərəfdarları onunla iş adamı arasında telefon danışığı təşkil etdilər, lakin söhbətin təfərrüatları açıqlanmayıb.
Məqalə müəllifləri yazıblar ki, bundan sonra Amerikanın seçilmiş prezidenti Latnik və Bessentin namizədliklərinə şübhə etməyə başlayıb və hər ikisini bu həftə “Mar-a-Laqo” malikanəsində görüşə dəvət edəcəyi gözlənilir.
Poliqon.info
