Ərdoğan G20 zirvə toplantısında Ukraynada atəşkəs əldə etməyə çalışacaq

Türkiyə prezidenti Rəcəb Tayyib Ərdoğan Rio de-Janeyro şəhərində keçiriləcək G20 sammiti çərçivəsində Ukrayna mövzusunu gündəmə gətirəcək. 

Bizim.Media xəbər verir ki, bunu RIA Novosti-yə diplomatik mənbə bildirib. Agentliyin məlumatına görə, Ankaranın məqsədi münaqişə zonasındakı atəşkəsi əldə etməkdir:

"Münaqişənin tənzimlənməsi məsələsi Türkiyə prezidentinin dünya liderləri ilə apardığı bütün beynəlxalq müzakirələrin əsas gündəm mövzusudur”- deyə agentliyə danışan mənbə bildirib.

Mənbənin sözlərinə görə, bu, Türkiyənin xarici siyasətində prioritet məsələdir:

"Əsas məqsəd qan tökülməsinin qarşısını almaq və davamlı atəşkəs əldə etməkdir," — deyə mənbə əlavə edib.

Bizim.Media

• Türkiyə
• Ukrayna
• Atəşkəs
• G20
• Zirvə Toplantısı