Böyük Britaniyanın ən böyük mobil şəbəkə operatoru olan “O2”, “Süni İntellekt Nənə” çatbotu ilə telefon fırıldaqlarının qarşısını almağa hazırlaşır.
İndex.az xəbər verir ki, Britaniya operatorunun təqdim etdiyi “dAIsy” adlanan robot yaşlı qadını təqlid edir. AI yaşlı qadın fırıldaqçıların bank məlumatlarını əldə etməyə çalışdıqları zaman onları həmişəlik məşğul saxlamağı hədəfləyir.
“O2″nin “AI nənə” robotu zəng edənin səsini mətnə çevirən müxtəlif süni intellekt modellərini özündə birləşdirir.
Süni intellekt robotu “YouTube”da böyük izləyicisi olan “spoofing” mütəxəssisi Cim Browning tərəfindən öyrədilib.
Keçən il FTB məlumat vermişdi ki, 60 yaşdan yuxarı insanlar telefon fırıldaqları yolu ilə 3,4 milyard dollar aldadılırlar.
Bu rəqəm 2022-ci ildə 3,1 milyard dollar olub. Məhsuldar süni intellektin yüksəlişi ilə səs imitasiyası saxtakarlıqlara yol açıb. Qarşıdakı dövrdə dələduzluq hallarının sayının sürətlə artacağı gözlənilir.
