Braziliya prezidenti Luiz İnasio Lula da Silva ölkəsində keçirilən G20 Liderlər Sammitindən əvvəl qatıldığı "Sosial G20" forumunda neoliberalizmi sərt tənqid edib.
O, noyabrın 18-19 tarixlərində Braziliyanın Rio-de-Janeyro şəhərində keçirilən sammit öncəsi müstəqil qeyri-hökumət təşkilatları (QHT) və müxtəlif ictimai qurumların nümayəndələri ilə görüşüb.
Buradakı çıxışında neoliberalizmi hədəf alan Lula da Silva “bazarların səsi ilə küçələrin səsi arasındakı bərabərsizliyin getdikcə dərinləşdiyini və bu vəziyyətin neoliberal siyasətlərin nəticəsi olduğunu” vurğulayıb.
