Şimali Koreya lideri Kim Çen In yenidən Qərb ölkələrinə xəbərdarlıq edib.
Sfera.az bildirir ki, o, bu barədə 4-cü Koreya Xalq Ordusunun Batalyon Komandirləri və Siyasi Təlimatçılar Konfransında yüksək rütbəli hərbçilərə müraciəti zamanı danışıb. Ölkəni əhatə edən çətin təhlükəsizlik mühitinə diqqət çəkən In “ABŞ, Cənubi Koreya və digər düşmən güclərin çılğın hərbi hərəkətləri Koreya yarımadasındakı gərginliyi tarixin ən pis səviyyəsinə çatdırıb” deyib.
ABŞ, Cənubi Koreya və Yaponiya arasında üçtərəfli hərbi əməkdaşlığa diqqət çəkən Şimali Koreya lideri fikirlərini bu cür davam etdirib: “Bu, Koreya yarımadasında sülh və sabitliyi təhdid edən kritik amildir. Vaşinqton administrasiyası Seul və Tokio ilə üçtərəfli hərbi əməkdaşlığı gücləndirməklə NATO-nun Asiya versiyasını yaratmağa çalışır. Nəticədə, ABŞ-nin rəhbərlik etdiyi hərbi ittifaqlar Avropa və Asiya-Sakit Okean regionunu əhatə edəcək şəkildə daha da genişləndi”.
Kim Çen In Şimali Koreya ordusunun müharibə hazırlıqlarını tamamlamalı olduğunu vurğulayıb: “İndiki subyektiv və obyektiv şəraitdə müharibə hazırlığının başa çatdırılması bir gün belə gecikdirilə bilməyən ən aktual vəzifədir. Biz önləyici nüvə enerjisi siyasətlərindən əl çəkməyəcəyik. Heç bir məhdudiyyət olmadan müdafiə məqsədləri üçün nüvə potensialımızı daha da gücləndirəcəyik”.
Ölkə başçısı bildirib ki, ABŞ və Qərb döyüş meydanında təcrübə qazanmaq və hərbi müdaxilələrinin miqyasını genişləndirmək üçün digər ölkələri müharibəyə təhrik edir:“Ukrayna və İsrailə hərbi yardımlarını davam etdirməklə müharibələri alovlandıran ABŞ III Dünya müharibəsinin başlaya biləcəyi və vəziyyəti daha təhlükəli hala gətirə biləcəyi ilə bağlı narahatlıqlar yaradır”.
Günay
