Fransa millisinin baş məşqçisi Didye Deşam UEFA Millətlər Liqasının 6-cı turunda səfərdə İtaliya millisi üzərində qazandıqları 3:1 hesablı qələbəni dəyərləndirib.
Fanat.Az xəbər verir ki, "Football Italia" onun sözlərini belə çatdırıb:
"İtaliyanın hazırda əla formada olduğunu bildiyimiz üçün bu oyunda qələbə qazanmaq çətin missiya idi. Qalib gəldik və birinci pilldəki yerimizə qayıtdıq. Bunu haqq edirdik. İlk görüşdən dərs çıxarmışdıq. Həmin matçdakı səhvləri təkrarlamadıq. Komandam gəncdir, təcrübəsi azdır, amma keyfiyyətlidir. Bu axşam keyfiyyətli komanda olduğumuzu isbatladıq. Məncə, 3 hücumçudan istifadə etməyimiz həlledici məqam oldu. Həm yaxşı müdafiə olunduq, həm də rəqibə problemlər yaratdıq. Komandam texniki baxımdan əla futbol sərgilədi. Standart vəziyyətlər zamanı inamlı görünməyimiz isə İtaliyanın müdafiə xəttinin yaxşı təhlil edilməsi anlamındadır".
Nihat
