Polşanın azot gübrəsi şirkəti Grupa Azoty partlayıcı maddələr istehsal edəcək.
Bu barədə Polşa Müdafiə Nazirliyi öz rəsmi saytında məlumat yayıb.
“Bu il noyabrın 18-də “Qrupa Azoty” şirkətinin qərargahında Milli Müdafiə Nazirliyinin rəhbərinin (Vladislav Kosinyak-Kamış. – Red.) iştirakı ilə silah istehsalı sahəsində əməkdaşlığa dair niyyət məktubu imzalanıb”, - məlumatda deyilir.
Qeyd olunur ki, konfrans zamanı Kosinyak-Kamış Polşada sursat istehsalı zavodunun tikintisinin planlaşdırıldığını açıqlayıb.
