Hesablama Palatası gələn il üçün büdcəyə rəyində Azərbaycan Respublikasının 2022-2026-cı illərdə Sosial İnkişaf Strategiyasına istinadla nə dərəcədə doğru olması ilə bağlı məsələyə aydınlıq gətirib.
APA-nın sorğusuna cavab olaraq Hesablama Palatası bəzi media subyektlərində yayılan “Rəydə Azərbaycan Respublikasının 2022-2026-cı illərdə Sosial İnkişaf Strategiyasına istinad nə dərəcədə doğrudur?” sualı ilə bağlı bildirib ki, rəyin əsas predmetlərindən biri də büdcə proqnozlarının ölkəmizin əsas strateji sənədinə adekvatlığının qiymətləndirilməsidir.
“Bu baxımdan büdcə proqnozlarındakı göstəriciləri Strategiyanın hədəflərinə uyğunluğu qiymətləndirilib”, - deyə Hesablama Palatasından bildirilib.
