BitRiver-in maliyyə analitiki Vladislav Antonov Gazeta.Ru ilə söhbətində Rusiyada 2024-cü ildə ərzaq qiymətlərinin real artımını 50-100 faiz qiymətləndirib.
SİA bu barədə rus saytlarına istinad edir.İqtisadçının fikrincə, qarşıdan gələn mənzil-kommunal xidmət tariflərinin artırılması və Rusiya milli valyutasının ucuzlaşması əlavə inflyasiya təzyiqi yaradacaq.
Onun sözlərinə görə, belə bir şəraitdə ilin sonuna qədər və gələn ildə qiymət artım tempinin əhəmiyyətli dərəcədə azalması ehtimalı yoxdur.
İqtisadçı yüksək inflyasiyanın əhalinin real gəlirlərinin azalmasına davam edəcəyini vurğulayıb. Xüsusilə, bu, əmək haqqı səviyyəsinin Moskva ilə müqayisədə əhəmiyyətli dərəcədə aşağı olduğu bölgələrə aiddir.
Antonov qeyd edib ki, rəsmi inflyasiyanın hesablanması metodologiyası Rusiya vətəndaşlarının əksəriyyətinin faktiki xərclərindən əhəmiyyətli dərəcədə fərqlənə bilən orta istehlak səbətindən istifadə edir.
Əli Babayev
