“Fasilə dövründə həmişəki qaydada hazırlaşırıq.
Məşqçilər heyətinin verdiyi tapşırıqları yerinə yetirməyə çalışırıq”.
“Kəpəz”in kapitanı Yeqor Xvalko Sportinfo.az-a açıqlamasında milli komandaların oyunları ilə bağlı çempionatda yaranmış fasiləni şərh edib.
“Sabah”la oyundan sonra istirahətə buraxılan komanda üzvlərin noyabrın 13-də Gəncədə bir raya gəlib. Bəzi futbolçular ümumi məşqlərdə kənarda qalsa da, kollektivdə ümumi ab-hava pis deyil.
Belaruslu legioner fiziki yüklənmələrə daha çox önəm verildiyini gizlətməyib:
“Bu həftəlik plan gündə iki dəfə məşq etməyə hesablanıb. Əsasən fiziki çalışmalar üçün nəzərdə tutulmuş hazırlıq prosesində topu məşqlərə xüsusi yer ayrılmır.
Komandada ab-hava əladır. Son 2 oyunda 4 xal qazanmağımız əhval-ruhiyyəni yüksəldib.
Odur ki, hər kəs məşqlərdə var gücü ilə çalışır. Bu həftəki məşqlər “Araz-Naxçıvan”la matç üçün deyil. Sırf komandanın hazırlığının yaxşılaşdırılmasına hesablanıb.
Növbəti həftədən “Araz”la oyunun təhlilləri və hazırlıqları başlayacaq”.
13 turdan sonra aktivində 7 xal olan “Kəpəz” turnir cədvəlinin sonuncu pilləsində qərarlaşıb.
HƏBİB
