“İsrail İrana qarşı son zərbəsində İslam respublikasının nüvə proqramının konkret komponentinə hücum edib”.
Yeniavaz.com xəbər verir ki, bunu İsrailin Baş naziri Benyamin Netanyahu Knessetin (parlament) iclasında deyib.
“Bu, sirr deyil. Hücum zamanı onların nüvə proqramının müəyyən komponentinə zərbə endirilib”, - Baş nazir bildirib.
Netanyahu zərbənin hədəfinin hansı növ obyekt olduğunu açıqlamayıb.
Eyni zamanda o qeyd edib ki, İsrail tərəfinin fikrincə, bu zərbə bütövlükdə İranın nüvə proqramını dayandırmağa gətirib çıxarmayıb:
“Proqramın özü və onun aktivləşdirilməsi imkanları dayandırılmadı, biz onun icrasını 10 il ləngitdik, lakin İran uranın zənginləşdirilməsində böyük irəliləyiş əldə edə bildi”.
