Böyük Britaniyanın Avropa Birliyinə qayıtması üçün petisiya üç həftə ərzində 36 min imza toplayıb. Bu o deməkdir ki, indi buna ölkə hökuməti baxmalıdır. Bu barədə “İndependent” qəzeti yazır.
Qeyd olunur ki, Britaniya hökuməti 10 mindən çox imza topladığı təqdirdə istənilən petisiyaya baxmağa borcludur, 100 min imza varsa, təşəbbüsə parlamentdə baxılmalıdır. Petisiyanın müəllifi Robert Makmasterin sözlərinə görə, Böyük Britaniya Aİ-yə tamhüquqlu üzv kimi daxil olmaq üçün ən qısa zamanda ərizə təqdim etməlidir, çünki bu, ölkə iqtisadiyyatına, azadlığına və sabitliyinə lazımi təkan verə bilər.
“İnanıram ki, Brexit heç bir maddi fayda gətirmədi və heç bir perspektiv göstərmir, Böyük Britaniya fikrini dəyişdi və bunu etiraf etmək lazımdır. Aİ-dən çıxmaq bizi daha yoxsul, daha az qorunan və həm gənclər, həm də kiçik biznes üçün imkanlardan məhrum etdi. Biz hər gün görürük ki, hansı ziyan vurulur, asanlıqla aradan qaldırıla biləcək zədələr”.
