Azərbaycan millisi bu gün növbəti oyununu keçirəcək.
İdman.biz xəbər verir ki, Fernandu Santuşun yetirmələri Millətlər Liqasının qrup mərhələsində son matçına çıxacaq.
C liqasının 1-ci qrupunda sonuncu yeri tutacağı rəsmiləşən yığmamız İsveçin qonağı olacaq. Komandamız artıq 1-ci yeri təmin edən rəqiblə qarşılaşmada ilk qələbəsini qazanmaq üçün mübarizə aparacaq. Millimiz xal hesabını artırmaq, bununla da D liqasına birbaşa yuvarlanmaqdan xilas olmaq və pley-offa qatılmaq üçün çalışacaq.
Qeyd edək ki, İsveç – Azərbaycan oyunu Bakı vaxtı ilə saat 23:45-də başlayacaq.
Millətlər Liqası
C liqası, I qrup
VI tur, 19 noyabr
23:45. İsveç –- Azərbaycan
Baş hakim: Pavel Raçkovski (Polşa)
Solna. “Strauberri” stadionu
| 1 | İsveç | 5 | 4 | 1 | 0 | 13-4 | 13 |
| 2 | Slovakiya | 5 | 3 | 1 | 1 | 9-5 | 10 |
| 3 | Estoniya | 5 | 1 | 1 | 3 | 3-8 | 4 |
| 4 | Azərbaycan | 5 | 0 | 1 | 4 | 3-11 | 1 |
İdman.biz
